مرة أنا ماشية نعمل في دورة فِالحومة عُرضتْني صاحبتي عندها برشة ماراتنِيش بدات تبوس وتعنق و أنا كيف كيف، كاهوْ عاد، قتلي يا بنتي عندي برشة ماريتِكش وينك شحوالك ؟!
قلتلها وه ماسمعتش ؟
قتلي لا قلتلها ماني مُتْ وعاوِدت حييت ياَخي ماستدعَاوكش لزنازتي؟ قتلي لا !.
قلتلها فاتك شطر عمرك نيّك عملولي زنس زنازة زبورة عل أخر أنا تفرجت في كل شي خاطر اليلة لولا تبدى تطير في دارك ونتفرج فيهم كيغسّلو فيك ويبعبصو فيك بِل اَمَارة عمتي قالت في نفسها عيب عليا ديمة كنت نشك فيها هاي فيارج إطفلة من بعد عطاتها كعبة زتغفر الله .حصيلوا اش بش نحكيلك تعدى جو يهبل قامو بالواجب دارنا لحق عملولي ستدعاوات بالَكحِل مكتوب عليهم بالابيض :يُشرفنا حضوركم إلى جنازة ابنتنا اتحفونا فيرونيكا دسدرتة كسترجيوفني ومن الأوطة كتبوا الله غالب (شيِت هبّنْز )وشنية اخر عملولي ؟......ممممم إيه عملولي ورد أبيض و أحمر فالإنتري متع ادار خاترني كلوبيِست وفطور زبور مش كساكس وهَمْ لا.... رُوز أبيض وحوت أبيض زادة وفان بلان وشنية اخر!!! إيه أقوى لقطة ليجي يروح يعطوه بورت كلى فيه كفن صغير ومشموم شايح وناتن جيفة تعبيراً لي أنا زادة بش نجيف . وبنسبة للموسيقى التصويرية حطولي اِسكاَت خاطر أنا في حياتي منحبش لحِس حاصيلوا يا غيِبتك !!
قتلي يزي تي هاك هوني!! .
قلتلها بش شوية نكملك لحكاية من بعد طلعت لفوق نلقى روحي في إدارة أما بالخيام ولشجر معمولة عرضتني أمي يرحمها لابسة طلون بالسحاب معمول وتِزرب وداخلة بعضها قتلي اه جيت؟؟ قتلي إسمع سامحني أنا كيجِيت لهوني لْتوا ماجبتلهم دفتر العايلة معرفوكش بنتي لباقي راهو عزريل ما قبضش روحك علفازة مانيش عا طيتوا كونجي خاطر نبهت عليه من قبل قتلوا شاور قبل متجبلي شكارى معبية بل ارواح .هي تحكي وانا باهتة ما فاهما شي. قتلي تي شبيك ديمة مبهمة فضحتني قدام البِرسونال . ماهو أنا كنت فدنيا ناس طيبة يخي ربي حطني مشرفة على قسم لمُعجزات والرُوسورْس أُومان ناقصين برسونال ماَ ناَ، إسمع دوسيك مازال ماوصلش للارشيف متع لموتى هاو بش نرجعك للدنيا فيسع قبل ميحَلبولي. قلتلها ياَ مي تي خليني بحذاك هنا ولا خنمشِي نعمل دورة فالجنة .قتلي أسكت اني أعلم ما لا تعلمين. قلتلها علمك الوغة حتى انتي؟. قتلي أسكت هاني ما شية لجهنم جرية نحرق الدوسي قبل ميحلبولي .
قلتلها تي سايب فديت!!!!!!! قتلي إسمع يا ترجع يا يتحشالك ما تنساش لي انتي خارية فيه كنت اش خلاك مت فيارج وموتة مشنعة . قعدت نغزرلها أنا ،قتلي شبيك تڨحرلي هذا ما فعلت يداك تتقوحب؟ و أنا ما نيش لاهية توا بش نظربلك دوسي لازم وقت.. ونقعد نعس شكون مات جديد ميلي عملوا الصالحات بش نبدل دوسيك بدوسيه.. شبيك؟؟ هنا دي كاميرا دو سرفايونس فكل بلاصة ،باهي برشة كيف نرجعك ديجا . وزيد وراس بنتي الجنة كعبة لا توا مازلنا ما بدلناش الديكور مازلت خيم وجمولا وثمار ماصتا ماتِتَاكيلش معمولة بديمونت ديكور وبرّه وزيد ما فما كان لحور ما فماش حاجة للنساء بربي انتي مُت فيارج وزيد تضرب الشياح هوني ؟؟؟ يا بنتي صدقني كان سلكتها توصلش تعمل واحد مع لمسيح لعور وسي سير بش يوجعك ويكرزك ماهو أعور ما ينجمش يڨمر مليح فك عليك أرجع للدنيا كر شلاكتك شوية لو تون لنبدلوا الديكور ،شي... الديكور القديم معمول على التام متع لجزيرة العربية وموش عاملين فيه حساب للمرى جملة ، ماهو اجا نحكيلك علفازة ربي كيف خلق النساء نسى بش يحط (لبوان جاء )اكة ساعتها هاذاكة علاش ماكانتش تجيهم ههههههه.. دونك ..... قَصّيت عليها وقلتلها ونتي أمي جاتك ولا مل مودال لبلاش (بوان جاء )؟؟ قتلي أسكت بقلة ماعنديش لحق بش نحكي على متاع الحياة الدنيا يْطيحُوني فل ڨراد. قلتلها شيك تحكي اكة اه!!! ياخي يعْمللكم فورماسيون يعلّمكم لوغتو ؟؟ قتلي يزِي شبيك طايحة فيه قولتلها راهو نسى (لبوان جاء )أون بليس انتي تبرَرْلو ..منساش جوست راسيِست مايحبناش !!!! قتلي ليماعندوش شاهد كذاب لبروف ..!!أيا ه يا لِيلا حسب رايك علاش حوى قالت لادم اِيجا ناكلوا تفاحة مش نعملوا واحد!؟ ماهي خاطر متجيهاش تكعبرتلهم على حكاية فارغة هههههههه، هاوكا آدم قاعد يخَبط في حوى فالصال داتونت تسمع فيه ؟؟قلتلها كيفاش ربي ينسى؟؟!!! قتلي ياخي نساه بشماتة نسى مش بالعاني غْلُط ماهوش شمس بش يزرق على الناس لكل . قلتلها تفكرني في حاجة فازت الشمس هذي. قتلي إيه نعرف تسخايلني عيشة فالخارج؟ ماهو حكاية زعبع، حتى احنا تعلمنا ريق الاعتصامات هوني عزرييل معتصم قلك مانيش بش نقبض روحو نحب نكمل نتفرج فالمسلسل ونشوف آه إلي حا يِڨْرى، ماهي حياتكم مسلسل عندنا هوني. قلتلها اه اوكي، مالا متأكدة ربي منساش لبوان جاء بشماتة قتلي إيه متأكدة قلتلها ياآآآآآآ ماحقنيش نشك فيه .قتلي هاذاكة ليهالكك نيّتِك ديمة مڨعمزة. قلتلها إيه علفازة دخّلني لبيِروه خلّي نبوسو ونقلوا سامحني. قتلي ووه تحب تباصِيني كيفاش بش نْزَرْفِك من بَعد يِزي مِلْخِفّة لتوه لا ناحيتها
هصنعة؟؟؟ قلتلها آهيه هاني سْكِت . قَتلي ابَارْ سا هو لا هي راهو قاعد يخلق في ديكوراتور للجنة اجديدة مرة نحكي أنا وياه فالبُوز قالي بش نعملها حاجة من ورى لعقل ديار بالديامونت ولّي كان ذهب لكل بش نكسرو
ماعادِشْ لَمُّوضَة إذْهَب إديمنت أحلى ياسِر سوّاقِي وَلّئ إذْهَب نُون ؟ وزيد بش إنحيهم لخْيِم لكل، حالة ياسر يلموا الغبرة بش نعمل ديار بديامنت فيِمِي ومابين فضاء وهْوَا ونزيّنهُم بالقرمود وباركينڨ كامل كيما متع صخر لماطري مْعَبِي بكراهب باتمان وسبيدر مان وشنية آخر إِيه لوِديان متع الشراب بش نعملهم نافورات ويزِينا ملشراب لحمر متع جبورة توّا كان لفُودكا والبيرة والجو لعصري حاصيلوا هاني قاعد نخلق في ديكوراتور يهبّل من بعد دارتلي أمي قتلي عندو برشة لاهي عالاخر يخلق فالدكوراتور يا بنتي كِترجع لدِنيا أعمل لِتحب حد ماهو لاهي بيك اش خلاها فمّا عندكم ليامات برشة حروباة وزلازل مش من علاماة الساعة راهو مازالت السيزون طويلة جيست عْمَل برشة مشاكل بش متفيقوش بيه ليهُوا لاهي وتِتْلهاوْ في هَمكُم ..إيه رُفونون آنو موتون خنمشي نحرقإدوسي جرية في جهنم ونتي خالي نهبتِك جرية .تحب حاجة قبل مترجع؟
قلتلها اعطني سوفينير من هنا نوريه للجموع
قتلي برة يا بنتي ألعاب بعيد تحب تباصني؟ تَعْرش كيفاش إجة نهزك للملايكه افروديت تنفخلك شفايفك. قلتلها تي فكني عاد قتلي تي هيا بركة تي بلاش راهوا قلتلها في بالي لبلاش مافماش. قتلي إشكون قالك قلتلها جِيَان .قتلي اش خاله تحرق هههههههه أيّة إجا . حاصيلوا حتِتْني أمي في بيت بيضا وقاعدت على شاز لونڨ جاتني ملايكة كيما نتخيلوها احنا عينِين زْرُق كانهم درٌ مكنون وشعر أصفر مكعرش كيما الدويدة لناكلوها وجنحات بْيُض يلَلْشو معمولين بريش مصنوع من الديمونت يا بوڨلب هبطِت عْلياَ وجابتلي زُريّقة ماتِتراش قلتلها شنية بِش تحطلي قتلي ماكش بش تحس بشي ننفخلك شفايفك و انتي لا تعلمين هي قاعدة تريڨل و أنا بديت نڨانِس فاكا الجناحات قلت في نفسي خانحّيِ ريشة نبيعها ونْقشّيش بيها الصيف جاء ويلزمني شوية قَش
أنا نقلع فيها والملائكة قتلي يِدّك كَسرة .قلتلها إشبيك. قتلي تسخايلنة بڨر كيفكم منحِسوش؟ لطف كان إطْمع فيكم انتوما لعباد اش خلانا قُلنا لربي ماتخلقهومش أما اش باش نعملوا طفٌانا وخلقكم خازوق على حناكِك يحرز أمك برسونال لباقي راني دَخَنْت عليك أيه أهبط. آش قَوْلك باهين شفايفك؟
قلتلها أزبرملّيِ عندك عيشك ڨحرِتلي وقاتلي هيا ... رجعت للكولوار نلقى أمي ،قتلي اه كمّلت صحة، أيةإجا للاسونسور أهبط .قلتلها باهي انا ركبت فِلاسونسور معمول بسحاب زادة قلتلها اه حاجة بارك تفكرتهة توا يخي شبيه ربي يْقُلِلْنا سَبحُوا وصليِو ياخي مضروب في روحو ؟ قتلي مُش منو ملاُنتوراج متاعوا لملايكة .......غلطوه!!!!!
